«Ўзбекистон ҳаво йўллари» МАК Ўзбекистон туристик салоҳиятини ошириш мақсадида Тошкент-Париж-Урганч-Тошкент ва Тошкент-Милан-Урганч-Тошкент йўналиши бўйича мунтазам рейсларни амалга оширмоқда.

Ҳар ҳафта тахминан 400 нафар сайёҳ Хоразм вилоятига ташриф буюрмоқда. Улар ушбу ўлканинг ўта ноёб тарихи, обидаларини томоша қилиш ва ўзбек миллий ошхонасидаги ажойиб таомларни татиб кўриш имконига эгалар. Хорижий меҳмонлар учун ахборот офислари ва валюта айирбошлаш пунктлари ташкил этилган.

Шуни таъкидлаб ўтиш жоизки, ушбу дастур Ўзбекистон шаҳарларига бўлган туристик талабнинг ортган мавсумида, шунингдек хорижий туристлар учун парвоз вақтида максимал қулайлик яратиш мақсадида амалга оширилмоқда.