Boshqa jamoalar transferlar uchun sarflaydigan pulni «Real» mukofotlar uchun ajratadi

«Real» jamoasi rahbariyati futbolchilarga Ispaniya chempionati va Chempionlar ligasidagi g‘oliblik uchun 40 million yevro miqdorida mukofot ajratishga tayyor. Bu haqda AS xabar tarqatdi. 

Xabarga ko‘ra, agar jamoa «oltin dubl»ga erishsa, 24 futbolchi 1,5 million yevrodan, bosh murabbiy 2 million yevro olishadi, shuningdek, yana 2 million yevro boshqa yordamchi murabbiylarga bo‘lib beriladi.

Qayd etish kerakki, agar «Real» Chempionlar ligasida g‘olib chiqsa 75 million yevro ishlab oladi (Madridliklar jamoasi hozirgacha 30 mln yevro ishlab oldi. Agar yarimfinal to‘sig‘idan o‘tilsa, bu miqdorga yana 7,5 mln yevro qo‘shiladi. Agar finalda yutqazilsa, 11 mln yevro, g‘olib chiqilsa 15 mln yevro. Telehuquqlarni sotishdan esa 20 mln yevro daromad).

Eslatib o‘tamiz, «Real» so‘nggi marta«oltin dubl»ga 59 yil oldin – 1957/58 yilgi mavsumda erishgandi.