«Реал» жамоаси раҳбарияти футболчиларга Испания чемпионати ва Чемпионлар лигасидаги ғолиблик учун 40 миллион евро миқдорида мукофот ажратишга тайёр. Бу ҳақда AS хабар тарқатди. 

Хабарга кўра, агар жамоа «олтин дубл»га эришса, 24 футболчи 1,5 миллион евродан, бош мураббий 2 миллион евро олишади, шунингдек, яна 2 миллион евро бошқа ёрдамчи мураббийларга бўлиб берилади.

Қайд этиш керакки, агар «Реал» Чемпионлар лигасида ғолиб чиқса 75 миллион евро ишлаб олади (Мадридликлар жамоаси ҳозиргача 30 млн евро ишлаб олди. Агар яримфинал тўсиғидан ўтилса, бу миқдорга яна 7,5 млн евро қўшилади. Агар финалда ютқазилса, 11 млн евро, ғолиб чиқилса 15 млн евро. Телеҳуқуқларни сотишдан эса 20 млн евро даромад).

Эслатиб ўтамиз, «Реал» сўнгги марта«олтин дубл»га 59 йил олдин – 1957/58 йилги мавсумда эришганди.