Сейтахов Ажинияз Пўлатбаевич Нукус туманига ҳоким этиб тайинланди. Бу ҳақда Kruz.uz хабар берди.

А.Сейтахов бундан олдин Қорақалпоғистон Республикаси ташқи иқтисодий алоқалар,  инвестициялар ва савдо вазири лавозимида фаолият юритаётган эди.

Шу пайтгача Нукус тумани ҳокими лавозимида Сейтназаров Ергали Ержанович ишлаб келаётган эди.

Хўжайли туманига ҳам янги ҳоким тайинланди.

Шу йилнинг январь ойида Эмбергенов Женгисбай Сагинбаевич Хўжайли туманига ҳоким этиб тайинланганди. Маълум қилинишича, у лавозимидан озод этилган.

Хўжайли тумани ҳокими лавозимига Қайпов Дарябай Жақсибаевич тайинланган.

Д.Қайпов бундан олдин Қорақалпоғистон Республикаси қишлоқ ва сув хўжалиги вазири лавозимида фаолият юритаётган эди.