Букингҳэм саройи вакили бугун қироллик қароргоҳларининг барча ходимлари Лондонга етиб келиши ва шошилинч йиғилиш ўтказилиши Буюк Британия қироллиги хонадони ташаббуси билан бўлгани, аммо бу туфайли ташвишга тушишга ҳожат йўқлиги ҳақида маълум қилди. Унинг сўзлари Associated Press агентлиги томонидан келтирилган.
«Қироллик хонадони шошилинч йиғилиш чақирди, аммо бундан ташвишланишга ҳожат йўқ», — дея маълум қилган Британия монархлиги уйи вакили.
Букингҳэм саройи хавотир учун асос йўқлигини билдириб, таранг вазиятни юмшатишга уринмоқда. Таъкидланишича, бундай йиғилишлар дам бадам ўтказилиб турилади ва ноодатий ҳолат ҳисобланмайди.
Йиғилиш мавзуси ошкор этилмаган ва бу хизматчилар орасида кучли хавотир келтириб чиқарганди.
Бундан олдинроқ қироллик хонадонида чақирилган шошилинч йиғилиш Сўнгги пайтларда яқиндагина 91 ёшни қаршилаган қиролича Елезавета II ҳамда унинг 95 ёшли турмуш ўртоғи шаҳзода Филиппнинг саломатлиги ёмонлашгани ҳақида хабарлар ортидан рўй бериши турли тахминларни юзага келтирганди.
Бироқ The Independent’нинг эслатишича, қиролича ўтган яқин кунларда Буюк Британия бош вазири Тереза Мэйни қабул қилган ва мутлақо соғлом кўринишга эга бўлган, эри Филипп эса шу кунлари Лондон крикет клубига ташриф буюрган.
Daily Mail эса ўз навбатида ёзмоқдаки, ҳамманинг хавотирланишига сабаб бундай йиғилишларнинг дам бадам ташкиллаштирилиб турилиши эмас, бу дафъа унинг ярим тунга яқин эълон қилиниши бўлган.
