«Tashvishga hojat yo‘q» - Qirollik xonadonida hamma sog‘

Bukinghem saroyi vakili bugun qirollik qarorgohlarining barcha xodimlari Londonga yetib kelishi va shoshilinch yig‘ilish o‘tkazilishi Buyuk Britaniya qirolligi xonadoni tashabbusi bilan bo‘lgani, ammo bu tufayli tashvishga tushishga hojat yo‘qligi haqida ma'lum qildi. Uning so‘zlari Associated Press‏ agentligi tomonidan keltirilgan.

«Qirollik xonadoni shoshilinch yig‘ilish chaqirdi, ammo bundan tashvishlanishga hojat yo‘q», — deya ma'lum qilgan Britaniya monarxligi uyi vakili.

Bukinghem saroyi xavotir uchun asos yo‘qligini bildirib, tarang vaziyatni yumshatishga urinmoqda. Ta'kidlanishicha, bunday yig‘ilishlar dam badam o‘tkazilib turiladi va noodatiy holat hisoblanmaydi.

Yig‘ilish mavzusi oshkor etilmagan va bu xizmatchilar orasida kuchli xavotir keltirib chiqargandi.

Bundan oldinroq qirollik xonadonida chaqirilgan shoshilinch yig‘ilish So‘nggi paytlarda yaqindagina 91 yoshni qarshilagan qirolicha Yelezaveta II hamda uning 95 yoshli turmush o‘rtog‘i shahzoda Filippning salomatligi yomonlashgani haqida xabarlar ortidan ro‘y berishi turli taxminlarni yuzaga keltirgandi.

Biroq The Independent’ning eslatishicha, qirolicha o‘tgan yaqin kunlarda Buyuk Britaniya bosh vaziri Tereza Meyni qabul qilgan va mutlaqo sog‘lom ko‘rinishga ega bo‘lgan, eri Filipp esa shu kunlari London kriket klubiga tashrif buyurgan. 

Daily Mail esa o‘z navbatida yozmoqdaki, hammaning xavotirlanishiga sabab bunday yig‘ilishlarning dam badam tashkillashtirilib turilishi emas, bu daf'a uning yarim tunga yaqin e'lon qilinishi bo‘lgan.