Siz faol va qiziq hayot tarzini olib borsangizu yoningizda uni kameraga oladigan inson bo‘lmasa, nima qilish kerak? Bu savolga shveysariyalik chang‘i ustasi Nikolas Vuigniyer oddiy javob topdi - tryuklarni bajarayotgan paytda u shunchaki kamerani havoga irg‘itadi.
Niko (uning YouTube'dagi nomi) bu ixtironi "kambag‘allar uchun selfi-dron" deb atadi. Bu yerda u biroz kamtarlik qilgan, albatta, axir ekshn-kamera va chang‘ida professional uchish uchun jihozlanish u qadar arzonga tushmaydi.
Shunga qaramay, bu texnika orqali olingan video juda ajoyib - kadrda inson to‘laligicha namoyon bo‘ladi, ekranning yon tomondan qo‘l yoki monopod ko‘rinib turmaydi. Videoroliklarga qaraganda, Niko rakurs borasida tajriba qilishni yaxshi ko‘radi, u hatto telefonni arqonga bog‘lab, o‘zining atrofida aylantirgan. Bu ixtiro ham o‘z nomiga ega - "sentrifon".
