HTC U Ultra смартфонининг махсус варианти ўзига хос ёқут (сапфир) шиша билан қопланди. Бу смартфон исталган тирнашлардан ҳимояланган бўлиши керак, чунки ёқут iPhone ва Samsung Galaxy’да қўлланувчи Gorilla Glass ҳимоя қатламидан анчагина қаттиқроқ.

JerryRigEverything HTC U Ultra Sapphire Edition смартфони экрани Tissot ёқут соатларининг шишаси ва "ёқут" ҳимоя плёнкаси ёпиштирилган Galaxy S8 билан бир қаторда турли экстремал синовлардан ўтказилган видеони тасвирга олишди.

Натижада видео муаллифлари HTC U Ultra Sapphire Edition экранини омавий ишлаб чиқарилувчи смартфонлар (камида синалган смартфонлар) орасида энг пухтаси деб аташ мумкин, деган хулосага келишган. Моос қаттиқлик шкаласи бўйича смартфон 8 балл олди, бу ҳақиқий ёқутнинг қаттиқлигига мос келади. Бу эса бундай смартфоннинг экранини оддий шароитларда тирнашнинг деярли иложи йўқлигини англатади ва бу HTC’нинг муваффақиятидир. Бироқ бошқа томондан қараганда, агар сиз смартфонни тушириб юборсангиз, ёқут осонгина чил-чил бўлади.

Дарвоқе, "ёқут" плёнка (50 доллар туради) пухталиги бўйича оддий пластик каби бўлган. Бундай бемаъни нарса учун пул тўламасликни тавсия қиламиз. Европада 128 Гб хотирага эга HTC U Ultra Sapphire Edition смартфони 849 евро, яъни оддий HTC U Ultra’дан 150 евро қимматроқ туради.