Наманганга ташриф: марказий ва ички йўллар таъмири борасидаги саволларга жавоб олинди

Жамият 05 Май 2017 19711
Фото: Kun.uz

Тарихдан бизга маълумки, йўлларнинг инсоният тараққиётига тутган ўрни юқори бўлган. Йўл орқали халқлар бир-бири билан савдо-сотиқ ишларини олиб борган, маданиятлар алмашишган ва ҳарбий соҳада ҳам зарур ютуқларга эришилган. Ҳақиқатда ҳам йўлнинг равон бўлиши инсоннинг вақтини, иқтисодини тежайди, узоғини яқин қилади.

Кун.uz ижодий жамоаси 2017 йил Шавкат Мирзиёев томонидан Ўзбекистонда “Халқ билан мулоқот ва инсон манфаатлари йили” деб эълон қилиниши ва фуқароларнинг тушган мурожаатлари асосида жорий йилнинг 26 апрель куни Наманган вилоятига ташриф буюрди. Ушбу вилоят аҳолисидан тушган мурожаатларнинг аксарида ҳудуддаги марказий ва ички йўлларнинг аянчли аҳволга тушиб қолгани ҳақида сўз юритилган. Биз мазкур масала юзасидан Наманган автойўл ҳудудий йўллардан фойдаланиш ташкилоти директори биринчи ўринбосари Икром Исмоилов билан суҳбатда бўлдик.

“Президентимиз томонидан  2017 йил 14 февраль куни имзоланган қарорга мувофиқ 2017 йилдан бошлаб Наманган вилоятидаги қишлоқ кўчаларининг 280 километри қаттиқ қопламага, яъни тупроқ йўлларга шағал ётқизиш жараёнини бошлаймиз. Бунинг учун Республикамиз томонидан 17 млрд сўмдан зиёд маблағ ажратилган. Бугунга келиб бу ишлар жадаъл суръатларда давом эттирилмоқда. 

Наманган-Учқўрғон, Наманган-Чортоқ ва вилоятни Тошкент шаҳри билан боғлайдиган Фарғона халқа йўлининг таъмирталаб бўлиб қолганига сабаб бу йўлларни шартнома бўйича таъмирлаш даври жуда кеч қолиб кетган. Бундан ташқари, ушбу йўлларга асфальт ётқизиш пайтида унинг қалинлиги ўша пайтдаги машиналарнинг энг оғири (24 тонна) ҳисобига олинган. Бугун замон тараққий этиб, машиналар оғирлиги ва кўпайиши ҳам йўлларнинг таъмирталаб бўлиб қолишига сабаб бўлмоқда. Бу йўлларни таъмирлаш учун вилоятга Ўзбекистон автомобиль йўллар Давлат қўмитаси томонидан 35 млрд маблағ ажратиб берилди. Ушбу йўналишлар бўйича ишлар апрель ойидан бошлаб юборилди ва бу ишлар май охирига қадар ўз ниҳоясига етказилади”.

Таҳририятимизга келиб тушган мурожаатларнинг яна бири Наманган шаҳридаги Уйчи кўчаси бўйлаб шаҳардаги Чорсу бозори ҳудудида йўл таъмирлаш мақсадида автомобиллар ҳаракатининг тўхтатилиши билан боғлиқ. Бу борада Икром Исмоилов қуйидаги тартибда жавоб қайтарди:

“Бу борада вилоят аҳолиси томонидан илгари ҳам кўплаб мурожаатлар бўлган. Ушбу йўлнинг ёпилишига сабаб бозор ҳудуди атрофида транспорт воситаларининг ҳаддан зиёд ошиб кетганлиги, тирбандликни вужудга келтирганлиги сабабли таъмирлаш ишлари сабаб бўлди. Ушбу йўлнинг таъмири жорий йилнинг 15 май куни якунланади ва аҳолига фойдаланишга топширилади”.

Икром Исмоилов яна кўплаб саволларимизга жавоб қайтарди ва маълумотлар тақдим этди. Суҳбатнинг тўлиқ матнини қуйидаги видео орқали томоша қилишингиз мумкин.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53689 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65615 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161248 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26984 Жамият
Россияда террорчилар учун асосий нишон нима экани айтилди
18:26 196 Жаҳон
Сурия АҚШ ва Британияни террорчиларга заҳарли моддаларни етказиб беришда айблади
18:24 86 Жаҳон
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 563 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 1039 Жаҳон
Кўпроқ янгиликлар