Римнинг «Лацио» жамоаси Италия чемпионатининг 35-турини «Сампдория»га қарши ўтказди.

Римликлар Марко Жампаоло жамоаси дарвозасига 7та гол уришди. Мезбонлар сафида Чиро Иммобиле дубль қайд этди. Меҳмонлар Тома Стракоши қўриқлаётган дарвозани уч бор ишғол этишди.

Бу ғалаба «Лацио»га турнир жадвалида «Рома»га яқинлашиб олиш имконини берди, «Сампдория» 10-ўринда қолди.

Яна бир учрашувда «Интер» ютқазиб, ғалабасиз серияни 7та ўйинга етказди. Миланликлар клуби «Женоа»дан мағлуб бўлишди, учрашувдаги ягона гол Горан Пандев томонидан 70-дақиқада урилди.

87-дақиқада Антони Кандрева пенальтини аниқ амалга ошира олмади, кўп ўтмасдан Жеффри Кондогбия қизил карточка олиб «Интер»ни камчиликда қолдирди.

Бу мағлубиятдан кейин «Интер» еврокубоклардан амалда маҳрум бўлди. «Аталанта» агар қолган 3та турда 1 очко олса ҳам миланликлар Европа Лигасида ўйнамайди.

Италия А Серияси, 35-тур

«Лацио» (Рим) – «Сампдория» (Генуя) – 7:3 (5:1)
Голлар: Кейта, 3. Иммобиле, 19 (пенальти), 70. Худт, 36. Андерсон, 38 (пенальти). де Врей, 45. Лулич, 65. – Линетти, 32. Квальярелла, 72. 90 (пенальти)
Четлатиш: Шкриньяр, 18 («Сампдория»)

«Эмполи» (Эмполи) – «Болонья» (Болонья) – 3:1 (2:1)
Голлар: Кроче, 5. Паскуаль, 38. Коста, 46 – Верди, 11

«Кьево» (Верона) – «Палермо» (Палермо) – 1:1 (0:0)
Голлар: Пеллиссье, 66 (пенальти) – Голданига, 88

«Женоа» (Генуя) – «Интер» (Милан) – 1:0 (0:0)
Гол: Пандев, 70
Четлатиш: Кондогбия, 88 («Интер»)
Амалга оширилмаган пенальти: Кандрева, 87 («Интер»)

«Сассуоло» (Сассуоло) – «Фиорентина» (Флоренция) – 2:2 (0:1)
Голлар: Политано, 74 (пенальти). Иеммелло, 85. – Кьеза, 3. Бернардески, 90
Четлатиш: Родригес, 72 («Фиорентина») 

«Пескара» (Пескара) – «Кротоне» (Кротоне) – 0:1 (0:0)
Гол: Тонев, 71
Четлатиш: Бенали, 77 («Пескара»).