Кун.uz ташрифи: Чортоқлик уруш фахрийси ўз кечинмаларини ҳикоя қилди

Жамият 08 Май 2017 8848
Фото: Kun.uz

Кун.uz ижодий жамоаси Наманганга ташриф буюрар экан, сафар давомида вилоятнинг Чортоқ туманида истиқомат қилувчи айрим фуқаролар шахсий томорқа ва оилавий тадбиркорликдан унумли фойдаланиши ҳақида илиқ гаплар эшитдик ва ўша манзил томон йўл олдик.

Буни қарангки, биз ташриф буюрган хонадонлардан бирида Иккинчи жаҳон уруши қатнашчиси Юсуф ота Солиевни учратдик. Бу ҳокисор инсон билан бўлиб ўтган суҳбат бизда илиқ таассурот қолдирди. Бобо уруш хотираларини ёдга олар экан, шундай дейди:

“Мени 1943 йилда урушга чақиришди. Ўшанда 15 ёшда эдим. Барча билан хайрлашиб урушга жўнадим. Собиқ Чехославакия, Руминия, Венгрия, Австрияда урушда қатнашдим ва ниҳоят Берлингача бордим. Уруш тугагач, яна уч йил ўша ерларда хизмат қилдим. Сўнгра бизга жавоб беришди. Уйга қаётаётган вақт Узоқ Шарқда японлар билан уруш бошланди, деб бизни яна ўша ерга олиб кетишди. Аммо ярим йўлда уруш тамом бўлгани ҳақидаги хабарни эшитиб, жуда хурсанд бўлган эдик”.

Юсуф ота хотираларини эслар экан кўзига ёш қалқди. Ота жуда камсуқум ва ҳазилкаш. Унинг ёши 91 да. Узоқ умр кўриш сири ҳақида сўраганимизда ота шундай жавоб қилдилар:

“Уруш вақтида ёш бўлганмизми ёки бошқа сабабданми спиртли ичимликлар истеъмол қилардик. Аммо уруш тугагач, уйга қайтдим ва шу ёшгача бу одатни ташладим. Чунки бу иллатни инсон саломатлигига зиёнини тушуниб етганман”.

Юсуф ота Солиев ўз ниятларини билдирар экан бу юртда доим омонлик бўлишини, ёшлар сира уруш кўрмаслигини ва тинчлик-хотиржамлигимиз бардавом бўлишини истаб дуога қўл очдилар.

Кун янгиликлари
Шавкат Мирзиёев экспорт соҳасидаги камчиликлар учун қатор раҳбарларни огоҳлантирди
21:49 / 27.06.2017 20380 Ўзбекистон
Ноқонуний интернет: турли мамлакатларда қандай хизматлар блокланган
19:00 / 27.06.2017 15559 Технология
Ўзбек футболига қарғиш текканми?
16:17 / 27.06.2017 38437 Спорт
JICA ва Соғлиқни сақлаш вазирлиги янги лойиҳага қўл уришди
Мадҳияни астойдил айтмайдиган филиппинликларга жарима солинади
Газ ва электр тўловлари Ўзбекистон аҳолиси ойлик маошининг 7,5 фоизини ташкил қилади
Германияда дунёдаги илк горизонтал ҳаракатланувчи лифт синовдан ўтказилди
Дайжест: коммунал қарздорлик муҳокамаси, вазирликнинг шубҳали танлови, “таслим этилган” Telegram ва куннинг бошқа хабарлари
21:46 2336 Жаҳон
Тишланган қулоқ воқеасига 20 йил бўлди (фотожамланма)
21:40 3167 Спорт
Ака-ука “машинафуруш” фирибгарлар фаолиятига чек қўйилди   
21:33 2387 Жамият
Кўпроқ янгиликлар