"Миллий фронт" етакчиси Марин Ле Пен Франция президенти сайловларидаги рақиби, "Олға" ҳаракати етакчиси Эммануэль Макронни сайловлардаги ғалаба билан қутлади ҳамда ўзига овоз берган барчага миннатдорчилик билдирди.      

"Французлар янги президентни сайлашди, аввалги йўналишнинг давом этиши учун овоз беришди. Мен жаноб Макронга сайлангани билан табриклаш учун қўнғироқ қилдим. Менга ўз овозини берган ва ишонч билдирган 11 миллион французга, мени бутун президентлик кампанияси давомида қўллаб-қувватлаган ва ҳамроҳлик қилган барча тарафдорларимга миннатдорчилик билдираман.

Якуний натижаларга кўра, Макрон 65,82 фоиз овоз билан ғалаба қилди, Ле Пен эса 34,18 фоиз овоз тўплашга муваффақ бўлди.