8 май куни Apple компаниясининг бозор нархи илк бор 800 млрд доллардан ошиб кетди.   

MSNBC телекомпаниясининг маълум қилишича, компания акциялари нархи 153,44 доллардан ошган. "Дрексел Гамильтон" компанияси таҳлилчиси Брайан Уайтнинг фикрича, компаниянинг бозор нархи 2017 йилдаёқ триллион доллардан ошиши мумкин.  

Охирги чоракда компания смартфонлари ва бошқа гаджетлари савдоси пасайганига қарамасдан, Apple янги молиявий чўққиларни забт этишга муваффақ бўлмоқда. 

"Компания раҳбари Тим Кук пасайишни истеъмолчилар сентябрда янги қурилманинг намойишини кутаётганлари билан тушунтирмоқда. Кўринишича, Уолл-стрит ҳам бунга рози бўлмоқда", деб айтилди телеканал хабарида.