Ukraina prezidenti Pyotr Poroshenkoning ma'lum qilishicha, mamlakatda 9 may bayrami avvalgidek qoladi, biroq u “Moskva ssenariysi” bo‘yicha nishonlanmaydi. Bu haqda «Ukrainskiye novosti» xabar berdi.
Uning so‘zlariga ko‘ra, ukrainaliklar natsizm ustidan qozonilgan g‘alabaning to‘la huquqli ishtirokchilari sanaladi.
“O‘sha yillar haqidagi achchiq xotiralar bizni tark etmayapti, avloddan avlodga o‘tib bormoqda. Bu bayram bor edi va bundan keyin ham bo‘ladi, biroq biz uni endi Moskva ssenariysi bo‘yicha nishonlamaymiz”, - degan u.
Shuningdek, Poroshenkoning ma'lum qilishicha, Ikkinchi jahon urushida “sobiq Sovetlar Ittifoqi xalqlari birgalikda jang qilishgan”.
Shu bilan birga, uning qo‘shimcha qilishicha, bu urush “o‘ziga xos, ukraincha o‘lchovga ham ega edi, u esa biz uchun asosiydir”.
