Ўзбекистон Республикаси Президенти Шавкат Мирзиёев 9 май – Хотира ва қадрлаш кунида Тошкентдаги Хотира майдонига ташриф буюрди. Президентга маросим чоғида вазирлар ва ҳукумат вакиллари ҳамроҳлик қилишди.

Давлат раҳбари ҳарбий оркестр садолари остида Мотамсаро она ҳайкали пойига гулчамбар қўйди.

Гулчамбар қўйиш маросимидан сўнг давлат раҳбари Хотира майдонига йўл олди. Шундан сўнг турли давлат органлари вакиллари томонидан гулчамбарлар қўйилди.

Хотира ва қадрлаш кунига бағишланган Президент иштирокидаги асосий тадбирлар академик Маҳмуд Мирзаев номидаги боғдорчилик, узумчилик ва виночилик ИТИ ҳудудида бўлиб ўтади.