Janubiy Koreyaning yangi saylangan prezidenti Mun Je In ma'lum qildiki, o‘zaro munosabatlarni yaxshilash uchun Shimoliy Koreyaga borishga tayyor. U bu haqda Seulda o‘tkazilgan inauguratsiya marosimi vaqtida aytib o‘tgan.
«Men zarur bo‘lsa darhol Vashingtonga uchaman. Men zarur bo‘lsa Pekin va Tokioga uchaman. Va men hatto zarurat yuzaga kelsa Pyongyangga ham boraman», — deya qayd etgan u.
Yangi prezident AQShning THAAD tizimi masalasini Xitoy pozitsiyasini hisobga olgan holda hal qilishini ma'lum qilgan.
«THAAD muammosi Xitoy va AQSh bilan yaqin hamkorlikda hal etiladi», — degan u Seulda bo‘lib o‘tgan inauguratsiya marosimida.
Bundan tashqari, Mun Je In «fuqarolar bilan hisoblashadigan chinakam xalq prezidenti» bo‘lishga va'da bergan.
