«Ювентус» Европа чемпионлар лигасининг 1/2 финал жавоб учрашувида «Монако» устидан ғалаба (2:1, дастлабки учрашув – 2:0) қозонди.

Натижада Турин клуби ЕЧЛ доирасида кетма-кет 12 учрашувдан иборат мағлубиятсиз (9 ғалаба, 3 дуранг) серияни ўтказди ва ўзи ўрнатган рекорд натижани такрорлади.

«Ювентус» сўнгги марта ЕЧЛда 2016 йилнинг 16 мартида 1/8 финалнинг «Бавария»га қарши учрашувида (2:4) мағлубиятга учраганди.