Олмаотада автобус ва “Гелендваген” йўлтанламаси иштирокида жиддий ЙТҲ рўй берди. Бу ҳақда СТВ канали мухбири хабар берган. Ҳодисада 15 киши жабрланган.

Йўл-транспорт ҳодисаси шаҳарнинг Потемкин кўчаси ва Райибек шоҳ кўчаси чорраҳасида рўй берган.

Гувоҳларнинг сўзларига кўра, Youtong маркали автобус “ажратиб қўйилган” йўлдан шарқий йўналиш бўйлаб ҳаракатланган. Унинг ёнидан кетаётган "Гелендваген" Потемкин кўчасига қайрилмоқчи бўлган. Натижада автобус йўлтанламас билан тўқнашган ва йўл четидаги устунга келиб урилди.

Дастлабки маълумотларга кўра, йўлтанламас, автобус ҳайдовчилари ва 13 йўловчи жароҳат олди. Автобус ҳайдовчиси касалхонага олиб кетилди.