2017 йилнинг 5-14 май кунлари Германиянинг Ҳанновер шаҳрида паралимпиянинг ўқ отиш спорт тури бўйича Халқаро турнир бўлиб ўтмоқда. Мазкур мусобақада Рио 2016 Паралимпия ўйинлари бронза медали соҳиби Сервер Ибрагимов ҳам иштирок этмоқда. Бу ҳақда Кун.uz'га Ўзбекистон Миллий Паралимпия ассоциацияси хабар берди. 

Шу кунга қадар Сервер Ибрагимов ўз иштирокини якунлаб, 1 та олтин ва 1 та кумуш, жами 2 та медаль соҳибига айланди. 

Ушбу мусобақада Ўзбекистон вакили 10 м.га тўппончадан отиш бўйича фахрли 1-ўринни эгаллаб, олтин медални кўлга киритган бўлса, 50 м.га тўппончадан отиш бўйича кумуш медални қўлга киритди.