Toshkent yo‘llaridagi eng ko‘p qoida buzilayotgan ko‘cha ma'lum qilindi

Toshkent shahrining Chilonzor tumani chorrahalariga o‘rnatilgan kameralar eng ko‘p qoidabuzarliklarni qayd etmoqda. Bu haqda Toshkent IIBBda bo‘lib o‘tgan matbuot brifingida ma'lum qilindi. Shu bilan birga, eng ko‘p qoida buzilish holati aynan qaysi ko‘chada ekaniga ham oydinlik kiritildi.

Shahar ichki ishlar bosh boshqarmasi vakilining aytishicha, Bunyodkor shoh ko‘chasining Kichik Xalqa yo‘li kesishmasidagi (Chilonzor metrosi) ko‘prikdan o‘tishda o‘rnatilgan radar moslamasi eng ko‘p qoida buzilishini qayd etmoqda. Bu yerda haydovchilar cheklangan tezlik me'yorlariga rioya qilishmaydi.