Туркия ҳарбийлари Қора денгиз ҳудудида Roketsan компанияси томонидан ишлаб чиқарилган KAAN ракета тизимини муваффақият билан синовдан ўтказди. Бу ҳақда Anadolu ахборот агентлиги хабар берган.

Ракета Синоп вилояти ҳудудидан учирилган, у 280 километр масофа босган. Жараённи Мудофаа вазири Фикри Ишик ва Туркия мудофаа саноати департаменти раҳбари ўринбосари Исмоил Демир кузатиб турган.

KAAN ракета тизими Истанбулдаги IDEF-2017 халқаро кўргазмасида тақдим этилганди.

610 миллиметрли KAAN ракетаси армия бўлинмаларини самарали қўллаб-қувватлай олади. Унга ўрнатилган GPS ва навигация тизими мўлжалга аниқ етиб боришни таъминлайди.