2017 йилнинг 13 май куни Алишер Навоий номидаги Тошкент давлат ўзбек тили ва адабиёти университетида махсус тадбир бўлиб ўтди.

Унда “Бу университет – маънавият ва миллат университети бўлади” шиори остида таълим муассасасининг 1 йиллик санаси катта тантана билан нишонланди. 

Тадбирда университет профессор-ўқитувчилари, талабалар ва фаҳрий меҳмонлар иштирок этишди. 

Эслатиб ўтамиз, Ўзбекистон республикаси президентининг 2016 йил 13 майдаги фармонига биноан Тошкент шаҳрида Алишер Навоий номидаги Тошкент Давлат ўзбек тили ва адабиёти университети ташкил этилди.

Янги олийгоҳ Мирзо Улуғбек номидаги Ўзбекистон Миллий университети Ўзбек филологияси факультети, Низомий номидаги Тошкент давлат педагогика университети Ўзбек тили ва адабиёти факультети ҳамда Ўзбекистон Фанлар Академияси Алишер Навоий номидаги Тил ва адабиёт институти негизида фаолият кўрсатади.