Foto: Reuters
Finlyandiyada 93 yoshida respublikaning sobiq prezidenti Mauno Koivisto vafot etdi. Finlyandiya prezidenti kantselyariyasining xabar berishicha, Koivisto Meilahti kasalxonasida hayotdan ko‘z yumgan.
Mauno Koivisto davlat rahbari lavozimini 12 yil – 1982 yildan 1994 yilga qadar egallagan. U Finlyandiyaning to‘qqizinchi prezidenti bo‘lgan. Bunga qadar esa mamlakat bosh vaziri, moliya vaziri va milliy banki rahbari sifatida ishlagan.
U umrining so‘nggi yillarida Altsgeymer kasalligidan aziyat chekkan.
