IV “Ислом бирдамлик ўйинлари”да каратэ бўйича 60 кг гача вазн тоифасида финал беллашуви якунланди. Унда ҳамюртимиз Садриддин Сайматов туркиялик Кайя Айкутга қарши кураш олиб борди. Жанг якунланишига 2 сония қолганида ҳам Садриддин 1:2 ҳисобида орқада бораётганди. Аммо сўнгги сонияда у ўзининг аниқ зарбаси эвазига иппон баҳоси ишлаб олди ва қўлга киритилган 3 очко эвазига баҳсни 4:2 ҳисобида ўз фойдасига ҳал қилиб, олтин медаль соҳибига айланди. 

Сайматовнинг медали Ўзбекистон делегациянинг “Ислом бирдамлик ўйинлари”даги илк олтин соврини сифатида тарихда қолади.