«Chelsi» klubi himoyachisi Jon Terri London klubi safida APLda g‘olib bo‘ldi va shu tariqa musobaqa tarixida sovrinni beshinchi bor qo‘lga kiritgan ilk jamoa sardoriga aylandi.
Angliya Premer-ligasi 1992 yilda ta'sis etilgan. O‘shandan beri Terri «Chelsi» tarkibida 2004/05, 2005/06, 2009/10, 2014/15 va 2016/17 yilgi mavsumlarda chempion bo‘lgan.
Avvalgi rekord «Manchester Yunayted» yarim himoyachisi Roy Kinga tegishli edi. U «MYu»ga 1997 yilda sardor bo‘lgan va sovrinni to‘rt bor - 1998/99, 1999/2000, 2000/01, 2002/03 yilgi mavsumlarda yutib olgan.