"Евровидение" мусиқа танловида оғир юрак хасталигига эга қўшиқчи ғолиб бўлди

Маданият 14 Май 2017 9919
Фото: Reuters

Португалиялик қўшиқчи Сальвадор Собрал Украинада ўтган "Евровидение" мусиқа танловида 1-ўринни эгаллади. Бу ҳақда ТАСС ахборот агентлиги хабар бермоқда. 

Ғолиб 758 балл тўплади. 27 ёшли қўшиқчи Amar pelos dois ("Икки юрак севгиси") қўшиғини ижро этди. 2-ўринни болгариялик Кристиан Костов эгаллади, у 615 балл тўплай олди. 3-ўрин Молдованинг "SunStroke Project" гуруҳига насиб этди.

Собрал юрагида муаммоларга эга бўлиб, у хасталиги туфайли танловнинг барча репетицияларида иштирок эта олмади. Унга янги юрак кўчирилиб ўтказилиши керак.

Собрал ўзининг миннатдорчилик нутқида "Португалия қаҳрамони мен эмасман. Бош қаҳрамон Криштиану Роналду ва шундай бўлиб қолади", деб айтган.

Финалда Молдова, Озарбойжон, Греция, Швеция, Португалия, Польша, Арманистон, Австралия, Кипр, Бельгия, Болгария, Беларусь, Хорватия, Венгрия, Дания, Исроил, Руминия, Норвегия, Нидерландия, Австрия, Буюк Британия, Италия, Испания, Франция, Германия ва Украина вакиллари иштирок этдилар.

Португалия ушбу танловда 1964 йилдан бери иштирок этиб келади ва ҳали бирор марта ғолиб бўлмаганди. 

Собрал Португалиядан танловда иштирок этувчи қўшиқчи этиб танлангандан кейин, у иккита чуррани олиб ташлаш операциясини бошдан ўтказган. Шу сабабли у танловнинг дастлабки қисмини ўтказиб юбориб, фақатгина яримфинал қисмига етиб келган. Ўша операция вақтида қўшиқчининг юраги хасталиги аниқланган ва унга яшаб кетиши учун йил охиригача донор юрак ўтказиш зарурлиги айтилган.

Қўшиқчи ўз қўшиғида айнан барча нарсага бардош бера олувчи юрак ҳақида куйлаган. 

Кун янгиликлари
Давлат тест маркази раҳбари ўзгарди
14:00 / 29.05.2017 31974 Ўзбекистон
Наманганнинг бир кўчаси: ҳужжатсиз уйлар ва рўйхатда йўқ одамлар
13:58 / 29.05.2017 21793 Жамият
Комилов Ўзбекистонга хориж сармоялари киришига халал бераётган асосий тўсиқларни санади
11:51 / 29.05.2017 43499 Ўзбекистон
TPS’дан “Қўшилинг” янги тариф режаларида интернетга соат 00:00 дан 09:00 гача чекловсиз кириш мумкин
09:57 / 29.05.2017 12896 Технология
Олий хўжалик cудига янги судья сайланди
23:54 / 29.05.2017 1 Ўзбекистон
Тошкент вилоятидаги ахлоқ-тузатиш колонияси отряди бошлиғи пора олаётганда ушланди
23:46 / 29.05.2017 1083 Жамият
Олий суд раиси ўринбосарлари ўзгарди
23:43 / 29.05.2017 462 Ўзбекистон
Фотожамланма: Москвадаги довул оқибатлари
23:14 / 29.05.2017 1608 Жаҳон
Газ ва электр энергияси тўловларини энди Бош прокуратура ҳузуридаги Мажбурий ижро бюроси ундиради
23:08 / 29.05.2017 2267 Ўзбекистон
Навальний - Алишер Усмонов видеожанги: мухолифатчи олигархга қарши далилларни санаб чиқди
22:58 / 29.05.2017 3478 Жаҳон
Кўпроқ янгиликлар