Хитой раиси: Уммонлар ҳам сув қатраларидан иборат бўлади

Жаҳон 14 Май 2017 7654
Фото: AFP

Си Жинпинг якшанба куни мамлакатга ташриф буюрган меҳмонлар шарафига уюштирилган кечада  ўз нутқини қадимги донишмандлар сўзлари билан бошлади ва "уммонлар сув қатраларидан бошланиши"ни таъкидлади. 

"Белбоғ ва йўл қурилиши - бу бизнинг тинчлик ва хотиржамликка бўлган интилишимиз. У мамлакатларни янада жипслаштиради", - деди ХХР раиси. Унинг сўзларига кўра, бу ҳамжамият биргаликда ривожланишни мақсад қилади. 

Хитой президенти Си Жинпинг барчани «Бир макон, бир йўл» ҳамжамиятини қуришда ўзаро мувофиқлашиб иш тутишга чақирди ва биргаликда фаровон тизимни йўлга қўйишга ваъда берди. 

Шунингдек у Хитой мазкур дўстона ҳамжамиятни қуришда "макон ва йўл"даги барча мамлакатлар билан ҳамкорликни ривожлантиришга тайёр эканини билдирди. 

Си Жинпингнинг сўзларига кўра, Хитой ушбу ҳамжамиятнинг иштирокчи-мамлакатлари билан ўзаро фойдали савдо-иқтисодий ҳамкорликни фаол ривожлантиради. 

Таъкидлаш жоизки, 14-15 май кунлари Хитойда ўтказилаётган форумда 29 мамлакатнинг давлат раҳбарлари ва юзлаб амалдорлар қатнашмоқда. 

Кўпроқ янгиликлар