Shavkat Mirziyoyevning 11-15 may kunlari davomida Xitoy poytaxti Pekin shahriga qilgan safari yakuniga yetmoqda. Prezidentning 11-12 may kunlarida amalga oshirilgan rasmiy davlat tashrifi davomida ikki davlat o‘rtasidagi o‘zaro hamkorlik munosabatlari ko‘rib chiqilib, qator hujjatlar imzolandi.
14 may kuni esa Pekinda «Bir makon - bir yo‘l» forumi boshlanib, 29 mamlakat rahbarlari qatori unda O‘zbekiston rahbari ham ishtirok etdi.
Quyidagi fotojamlanmada prezidentning Xitoyga safaridagi asosiy uchrashuvlar va muzokaralar eslab o‘tiladi.
Shavkat Mirziyoyev Xitoyga yetib bordi. Prezident va rafiqasi Ziroatxon Mirziyoyevani «Shoudu» xalqaro aeroportida Xitoy rasmiylari kutib olishdi.
Shavkat Mirziyoyev Pekindagi Xalq qahramonlari yodgorligi poyiga gul qo‘ydi.
Shavkat Mirziyoyev va Xitoy rahbari Si Jinping faxriy qorovul oldidan o‘tmoqda.
Si Jinping va rafiqasi Shavkat Mirziyoyev hamda Ziroatxon Mirziyoyevani qabul qilmoqda.
Si Jinping va rafiqasi Shavkat Mirziyoyev hamda Ziroatxon Mirziyoyeva bilan
Shavkat Mirziyoyev va Si Jinpingning tor doiradagi uchrashuvi bo‘lib o‘tdi.
