Шавкат Мирзиёев Пекинда давлат раҳбарлари йиғилишида нималарни гапирди?

Ўзбекистон 15 Май 2017 74608
Фото: ЎзА

15 май куни Ўзбекистон президенти Шавкат Мирзиёев «Бир макон — бир йўл» халқаро форуми доирасида ўтказилган давра суҳбати учрашувда нутқ сўзлади. Президент ўз нутқида «Бир макон — бир йўл» концепциясини аниқ дастур ва лойиҳалар билан тўлдириш муҳимлигига урғу қаратди. Давлат раҳбари сўзлари президент матбуот хизмати томонидан келтирилган.

«Минтақада транспорт, савдо, инвестициялар, энергетика ва юқори технологиялар соҳасидаги йирик лойиҳалар амалга оширилиши учун ҳудуд бойликлари, ишлаб чиқариш ва инсон ресурслари қўл келади», — дейди Ўзбекистон президенти.

Унинг сўзларига кўра, яна бир муҳим масала Марказий Осиёни Россия ҳамда Хитой орқали Европа ҳамда Жанубий, Жанубий-Шарқий Осиё мамлакатлари билан боғловчи транспорт-логистика маршрутларини тузиш бўйича ҳамкорлик дастурини ишлаб чиқиш ҳисобланади.

«Бизнингча, «Бир макон, бир йўл» транспорт йўлаги тармоғини «Хитой-Қирғизистон-Ўзбекистон-Афғонистон» темир йўл магистрали билан бирлаштириш ва Ҳинд океанидаги Покистон ҳамда Эрон портларига чиқиш мумкин бўлади», — дея қайд этган давлат раҳбари.

Президент транспорт-коммуникациялар йўлагини ривожлантириш билан бир қаторда юқори технологиялар соҳасидаги ҳамкорлик лойиҳаларини амалга ошириш бўйича иш олиб бориш кераклигини таъкидлаган.

«Бизнинг умумий мақсадимиз «Ипак йўли иқтисодий минтақаси» линияси бўйича бирлашган саноат технопарклари, илмий-инновацион кластерлар ва эркин иқтисодий ҳудудлар ташкил этиш бўлиши керак деб ҳисоблайман. Биз шу мақсадда бундай лойиҳаларни амалга оширишнинг самарали механизмларини ишлаб чиқишда биргаликда ҳаракат қилишни таклиф этамиз», — дея қайд этган президент.

Ўзбекистон раҳбари фикрига кўра, «Ипак йўли иқтисодий минтақаси» ташаббусининг самарали ҳолда ҳаётга татбиқ этилишига эришиш учун «ҳар қандай йўл билан бизнес ҳамжамиятлари ўртасида тўғридан-тўғри мулоқотни рағбатлантириш» талаб этилади.

Унинг қўшимча қилишича, «Ипак йўли иқтисодий минтақаси» ташаббуси нафақат иқтисодий ҳамкорликни кенгайтиришга, балки «ўзаро маданий-гуманитар алоқаларни мустаҳкамлашга, туризм соҳасидаги улкан имкониятлардан фаол фойдаланишга» қаратилиши керак.

«Қайта тикланаётган Буюк Ипак йўли бўйлаб минг йиллик бой маданий тарихга эга Самарқанд, Бухоро ва Хива каби шаҳарлар жойлашган», — деган Ўзбекистон президенти.

Шавкат Мирзиёев ХХР раиси Си Жинпингнинг ташаббуси билан ташкил қилинган халқаро форум аҳамияти  ҳақида фикр билдирган.

«Ишонаманки, сайёранинг 60 фоиз аҳолиси яшайдиган ҳудудни қамраган бу улкан лойиҳанинг амалга оширилиши мамлакатларимиз ўртасидаги дўстлик ва ҳамкорликни, халқларимиз фаровонлиги таъминланишига ёрдам беради», — деган Шавкат Мирзиёев.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 94121 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46078 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51344 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9176 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20023 Ўзбекистон
Бразилия полицияси мавжуд бўлмаган спортчиларда пул қилган гуруҳни аниқлади
00:50 141 Жаҳон
Барселонада “Европанинг исломлашувига” қарши намойиш тарқатиб юборилди
00:40 531 Жаҳон
Олий Мажлис сенаторларидан бирининг ваколати муддатидан аввал тугатилди
Трамп ўзининг бош маслаҳатчаларидан бирини бўшатишга қарор қилди
00:24 389 Жаҳон
Дунёдаги энг кекса қочқин аёлга Швецияда бошпана бериш рад этилди
00:11 1314 Жаҳон
Кўпроқ янгиликлар