Теҳрон Туркиянинг Эрон билан чегарада девор қуриш бўйича ташаббусини маъқуллайди, у икки давлатнинг чегара хавфсизлигини таъминлайди. Бу ҳақда Эрон ТИВ вакили Баҳром Қосимий Теҳрондаги матбуот анжуманида маълум қилди.

«Теҳрон Анқаранинг икки давлат чегарасида хавфсизлик чораларини кучайтиришга қаратилган исталган ташаббусини маъқуллайди», - деган Қосимий.

Унинг сўзларига кўра, Туркия ҳукумати Теҳронни девор қурилиши ҳақида хабардор этган, у чегаранинг турк томонида бино этилади.

ТИВ вакили Туркия ҳукумати билан бу масала бўйича янада кенгроқ мулоқотга умид қилишини таъкидлаб ўтган.

Туркия мудофаа вазири Фикри Ишик ҳам ўтган ҳафта журналистларга Эрон билан чегарада девор қурилиши ҳақида хабар берди. Унинг сўзларига кўра, бу қадам Эронга қарши қаратилмаган ва чегара яқинидаги ҳудудда яшовчи аҳоли хавфсизлигини таъминлаш учун керак.

Туркиянинг уй-жой қурилишини ривожлантириш бўйича вазирлиги раҳбари Эргун Туроннинг хабар қилишича, деворнинг 144 километрлик қисмини қуриш учун тендер якунланган. Унинг айтишича, қурилиш жорий йилда бошланади.