Хакерлар АҚШнинг The Walt Disney киностудиясининг яқинда экранларга чиқиши керак бўлган фильмини ўғирлаб, уни интернетга жойлаштириш билан таҳдид қилишмоқда. Бу ҳақда компания президенти Роберт Айгерга иқтибос келтирган ҳолда Hollywood Reporter нашри хабар бермоқда.  

Айгернинг айтишича, хакерлар компаниядан фильмни қайтариб бериш учун товон пули сифатида биткоинларда катта пул талаб қилишмоқда. Акс ҳолда улар дастлаб фильмнинг 5 дақиқалик парчасини, сўнгра эса сўралаётган пул берилмагунча 20 дақиқалик парчаларини жойлаштириш билан таҳдид қилишмоқда. Бироқ Айгер гап қандай фильм ҳақида кетаётганини маълум қилмади.     

Маълум қилинишича, компания пул тўлашдан бош тортган. Ушбу воқеани тергов қилишга федерал терговчилар жалб қилинган.

Шуниси, маълумки яқин орада кинокомпаниянинг "Кариб денгизи қароқчилари: Ўликлар эртак айтмайдилар" ҳамда "Машиналар-3" фильмлари экранга чиқиши керак. Бундан ташқари, хакерлар қўлига "Юлдузли жанглар: Сўнгги жедай" фильми материаллари тушгани ҳам айтилаётганди, бироқ бу тахминлар рад этилган.