Тошкентда “уддабурон тадбиркорлар" фош этилди

Жамият 16 Май 2017 11376
Фото: Fotolia

Нафс қулига айланаётган, яъни қилаётган ишининг эртасини ўйламай, кўр-кўрона “тадбиркорлик” қилаётган айрим кимсалар кун келиб ноқонуний ишларининг жавобгарлиги борлигини унутиб қўймоқдалар. Сайди Жонибеков ва Билол Иномов (исм-фамилиялар ўзгартирилган) ҳам шундайлар сирасидан экан, деб ёзади “Ҳуқуқ” газетаси.

Б.Иномов 2015 йилнинг декабрь ойида Тошкент вилоятида жойлашган туманларнинг биридан тегишли тартибда рўйхатдан ўтиб, масъулияти чекланган жамият ташкил қилди. Унга раҳбар сифатида С.Жонибековни тайинлади. Ўз норасмий раҳбар сифатида МЧЖнинг ишларига бош-қош бўлди.

Ўтган йилнинг январь ойида МЧЖ мутасаддилари томонидан пул кўчириш йўли билан 317 млн. сўмлик тикув маҳсулотлари, 609 млн. 761 минг сўмлик автомобиль эҳтиёт қисмлари, 3 млрд. 606 млн. 157 минг сўмлик бошқа турли маҳсулотлар, жами 4 млрд. 216 млн. 234 минг сўмлик товарлар сотиб олинади. Аммо улар тегишли тартибда жамиятга кирим қилинмайди. Катта маблағ эвазига харид қилинган маҳсулотлар улгуржи тарзда нақд пулга сотилиб, савдодан тушган пуллар на назорат-касса машинасидан ўтказилади, на банкка топширилади. Аксинча, ўртада ўзаро тақсимланади.

Шунингдек, бу кимсалар келтирилган маҳсулотларнинг юк варақаларини ҳамда МЧЖнинг бухгалтерия ҳужжатларини қасддан нобуд қиладилар. Шундай қилсак, ёпиғлик қозон ёпиғлигича қолади, деб ўйлаган С.Жонибеков ва Б.Иномов қаттиқ янглишдилар. Жамиятда ўтказилган текширишларда уларнинг қилмишлари фош этилди. Бухгалтерия ҳужжатларини нобуд қилиб юборган бўлишса-да, ҳуқуқ-тартибот идоралари ходимлари МЧЖ томонидан давлатга тўланиши шарт бўлган 733 млн. 682 минг сўмлик солиқ ва бошқа мажбурий тўловларни аниқлашди. Қолаверса, МЧЖнинг улгуржи савдони амалга ошириш учун тегишли лицензияга эга бўлмаганлиги ҳам фош этилди.

Суд ҳукми билан Б.Иномов ва С.Жонибеков маълум муддатга мансабдорлик ва моддий жавобгарлик билан боғлиқ лавозимларда ишлаш ҳуқуқидан маҳрум қилиниб, энг кам иш ҳақининг 400 баробари миқдорида жарима жазосига тортилди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 36394 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 76337 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11736 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 142692 Жамият
«Уэмбли»нинг дебюти ва стартда турган кучли учлик. Ҳафтанинг ўтказиб юбориб бўлмайдиган учрашувлари ҳақида
11:08 5 Спорт
Бундестагда Берлиннинг Москвага нисбатан сиёсати хато деб аталди
11:04 44 Жаҳон
Мирзо Улуғбек туманида маъмурий назорат қоидаларини бузган шахс қўлга олинди
10:46 422 Жамият
Австралия бош вазири Барселонадаги теракт туфайли махсус стратегия ишлаб чиқилишини маълум қилди
10:40 202 Жаҳон
Бразилияда мушт қилиб турган қўл кўринишидаги булут одамларни хавотирга солди
10:36 2851 Жаҳон
Абитуриент ҳикояси: “Мен ўқув маркази томонидан алдандим”
10:34 2139 Lifestyle
Кўпроқ янгиликлар