Польша ҳукумати қочқинларни қабул қилишдан бош тортмоқда

Жаҳон 16 Май 2017 3995
Фото: AP/Scanpix

Польша ҳукумати қочқинларни қабул қилишга рози бўлмайди, деб айтди 16 май куни мамлакат бош вазири Беата Шидло Варшавадаги матбуот-анжуманда. 

Польша Европа Иттифоқининг қочқинларни тарқатиш бўйича дастури доирасида ўз ҳудудида қочқинларни қабул қилишдан бош тортди. Бош вазир Европа Иттифоқининг миграция сиёсатини танқид қилиб, Вишеград тўртлиги давлатлари (Польша, Словакия, Венгрия, Чехия) қочқинларни қабул қилиш масаласида шантажга йўл қўймаслигини айтди.

Охирги ижтимоий сўровномаларга кўра, Польша аҳолисининг 4 дан 3 қисми қочқинларни қабул қилишга қарши чиқмоқда.

"Айни вақтда Польшада қочқинларни қабул қилишга имконият йўқ. Бу Польша ҳукумати позицияси", деб айтди Шидло.

"Биз ёрдам бермоқчимиз. Талаб қилинган жойда гуманитар ёрдам кўрсатмоқдамиз ва одамлар бу ёрдамни кутадилар. Биз гуманитар ёрдамни кўпайтирмоқдамиз, халқаро гуманитар акцияларда иштирок этмоқдамиз, ноҳукумат ташкилотлари билан ҳамкорлик қиламиз, жабрланганларни даволашда ёрдам берамиз. Бироқ биз Польша ва бошқа давлатларга қочқинларни қабул қилиш бўйича мажбурий квоталар суқиштирилишига рози бўлмаймиз", деб айтди Шидло.

Аввалроқ миграция, ички ишлар ва фуқаролик бўйича еврокомиссар Димитрис Аврамопулос агар Польша ва Венгрия бир ой ичида Италия ва Грециядаги қочқинларни қабул қилишни бошламаса, Еврокомиссия июнда бу давлатларга нисбатан санкциялар солиши мумкинлигини айтган.

"Мен ўзларига ҳимояга муҳтож бирор одамни кўчириб ўтказмаган Польша ва Венгрияни буни ҳозироқ қилишга чақираман", деб айтган журналистларга Аврамопулос Страсбургда.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8714 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 9116 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9887 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 35212 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51672 Жамият
Пентагон раҳбари Ироққа эълон қилинмаган ташриф билан келди
12:26 40 Жаҳон
ОАВ: АҚШ Хитой фирмаларининг активларини музлатиб қўймоқда
12:24 307 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 411 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 317 Жаҳон
Тошкент вилояти аграрчилари қишлоқ хўжалиги техникаси билан таъминланади
Кўпроқ янгиликлар