Ravon Қозоғистондаги энг харидоргир автомобиллар бешталигидан жой олди

Иқтисодиёт 16 Май 2017 18014
Фото:drive.ru

2017 йил январь-апрель ойлари натижаларига кўра, Қозоғистонда расмий дилерлар томондан 11 018 та автомобиль сотилган, бу эса 2016 йилги шу даврдаги кўрсаткичдан 23 фоизга камроқдир. Жорий апрель ойига кўра 3449 дона машина сотилган. Бу кўрсаткич аввалги йилги шу ойдаги кўрсаткичдан 8,9 фоиз камроқни ташкил қилган, бироқ 2017 йил март ойидаги кўрсаткичдан 27 фоиз кўпроқ бўлган, деб хабар бермоқда Қозоғистон автомобиллар соҳаси корхоналари иттифоқи "КазАвтоПром" матбуот-хизматига иқтибос келтирган ҳолда nur.kz сайти.

Кўрилаётган давр натижаларига кўра қозоғистонликлар янги енгил автомобиль сотиб олиш учун 272,8 млн доллар сарфлашган, бу эса 2016 йилдаги шу кўрсаткичдан 18,9 фоиз кўпроқдир. Апрелда бозорда сотилган автомобиллар умумий қиймати 89,5 млн долларни ташкил қилган ва бир йил аввалги натижадан 34,8 фоиз кўпроқ бўлган.  

4 ой натижаларига кўра сотилган автомобиллардан 7 771 таси (70,5 фоизи) хорижий машиналарга, қолган 3 247 таси (29,5 фоизи) Қозоғистонда ишлаб чиқарилган маҳаллий машиналарга тўғри келган. 

Кўрилаётган давр ичида қозоғистонликлар томондан энг кўп миқдорда Toyota автомобиллари сотиб олинган: бу марка машиналаридан 2290 та сотилган.

2-ўринни 1 912 та машина билан Lada, 3-ўринни эса 856 та машина билан Renault эгаллаган.

Етакчи бешталикни Ravon (774 дона) ва KIA (771 дона) маркалари якунламоқда. Энг муваффақиятли маркалар етакчи ўнталигига Hyundai (673), GAZ (611), UAZ (454), Nissan (403) ва Volkswagen (375) кирган.

Энг кўп сотилган енгил моделлар рейтингида энг юқори поғоналарни Toyota Camry (885 дона), Lada 4x4 йўлтанламаси (605) ва Ravon Nexia (576) эгалламоқда. Етакчи бешталикни Toyota Rav4 (526) ва Lada Granta (489) якунламоқда.

Етакчи моделлар йигирматалигидан, шунингдек, Lada Largus (341), Toyota Land Cruiser 200 (319), Renault Sandero (305), Renault Duster (300), Volkswagen Polo (297), Hyundai Creta (292), Toyota Land Cruiser Prado (234), Toyota Corolla (185), Lexus LX (181), KIA Rio (173), Hyundai Tucson (172), Nissan X-Trail (151), Lada Kalina (140), UAZ Patriot (140) ва Chevrolet Cruze (131) моделлари жой олди.

Машиналар сотиб олишда энг кўп фаолликни Олмаота (2 770 та машина), Остона (2 149), Атирау (788), Чимкент (682), Қарағанда (663), Қўстанай (641), Уральск (479), Усть-Каменогорск (470), Ақтау (467) ва Оқтобе (406) шаҳарлари аҳолиси кўрсатган.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53689 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65615 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161248 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26984 Жамият
Россияда террорчилар учун асосий нишон нима экани айтилди
18:26 196 Жаҳон
Сурия АҚШ ва Британияни террорчиларга заҳарли моддаларни етказиб беришда айблади
18:24 86 Жаҳон
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 563 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 1039 Жаҳон
Кўпроқ янгиликлар