Falcon 9 ракета-ташувчиси Флорида штатида жойлашган Канаверал бурунидаги космодромдан парвоз қилди. Унда Inmarsat-5 F4 коммуникацион сунъий йўлдоши бўлган, деб хабар берди SpaceX корпорацияси.

Компания стартдан ярим соат ўтиб сунъий йўлдош орбитага муваффақиятли олиб чиқилганини тасдиқлади.

«Inmarsat-5 Flight 4’нинг муваффақиятли ажралгани ва оралиқ геостационар орбитага чиққани тасдиқланди», - дейилади SpaceX’нинг твиттердаги хабарида.

Inmarsat-5 F4 коммуникацион сунъий йўлдоши турли синфдаги самолётларни Wi-Fi билан таъминлаб бериши лозим.