Telegram асосчилари ҳеч қайси давлатга маълумотлар бермасликларини айтишди

Технология 16 Май 2017 10859
Фото: Chris Ratcliffe / Bloomberg

Telegram мессенжери дунёнинг исталган давлати ҳукумати ва махсус хизматларига маълумот тақдим қилмайди. Мессенжер вакилларининг айтишича, трафикни расшифровка қилиш учун маълумотларни беришга мажбур қилиш қийин бўлади. 

Ҳеч қайси ҳукумат тузилмалари ёки махсус хизматлари мессенжердан маълумотлар ололмайди. Мессенжерда ўзаро алмашинувчи маълумотлар шифрланган бўлиб, шифрлаш кодлари турли давлатларда сақланади. 

"Дунёнинг ҳеч қайси ҳукумати ёки махсус хизмати биздан ҳали бирор бир маълумот ололмаган. Ва ҳамиша шундай бўлиб қолади", деб айтдилар мессенжер яратувчилари.

Шифрлаш калитлари "бир неча қисмларга бўлинган" ва бу қисмлар турли маълумотлар марказларида сақланади. Маълумотлар марказлари эса турли давлатларда жойлашган ва Теlegram’ни бирор маълумотни беришга мажбур қилиш учун бир нечта давлат ўртасида нореал ҳамкорлик талаб қилинади, деб таъкидланди Теlegram’да.

Аввалроқ Change.org сайтида Telegram фойдаланувчилари арзномаси жойлаштирилганди. Унинг муаллифлари Россиянинг алоқа, ахборот технологиялари ва оммавий коммуникациялар соҳасида назорат бўйича федерал хизмати (Роскомнадзор) мессенжер яратувчиларидан Россия ҳукуматига ресурс ҳақида ахборот беришни талаб қилганини маълум қилишган. Бу эса мессенжерни ахборот тарқатишни ташкиллаштирувчилар рўйхатига киритиш учун талаб қилинади. Арзнома муаллифлари мессенжер яратувчиси Павел Дуровни Россияда блокланишдан қочишга ва Роскомнадзор билан ҳамкорлик қилишга чақиришган.

Роскомнадзор матбуот котиби бу ахборотга изоҳ беришдан бош тортди ва бу гаплар миш-мишлар эканини айтди.

Роскомнадзор шу сабабли 2 май куни тақиқланган сайтлар рўйхатига BlackBerry, Imo, Line мессенжерлари ва Vchat видеочатини киритган. 5 май куни ташкилот WeChat мессенжери сайтини блоклаб қўйган, бироқ мессенжер рўйхатга киритиш учун маълумотларни тақдим қилгандан кейин тақиқлов олинган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97119 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46974 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51962 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9445 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20236 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 800 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 312 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1271 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 1790 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 834 Жаҳон
Кўпроқ янгиликлар