The Washington Post нашри АҚШ президенти Дональд Трамп ва унинг тан соқчиси Кит Шиллер тасвирланган фотосуратни эълон қилди. Шиллернинг қўлларида бир нечта қоғоз бўлган. Маълум қилинишича, улардан бирида шундай ёзув: «Жеймс «қутурган кўппак» Мэттис» ва АҚШ мудофаа вазири телефон рақами бўлган.

Фото:  Evan Vucci

Шу билан бирга, газета муҳарририяти буни ўқувчилар ёрдамида пайқаб қолди.

Нашр мухбири Рэйчел Мантейфель бу рақамга қўнғироқ қилиб кўрди ва у Пентагон раҳбарига тегишли эканини тасдиқлади.

Таъкидланишича, шундан сўнг WP раҳбарияти Мэттиснинг рақами бўлган фотосуратни олиб ташлашга қарор қилган.