Украина президенти Пётр Порошенко Европа Иттифоқи билан визасиз тартиб киритилиши ҳақидаги келишув имзоланган кунни икки томон учун тарихий сана ҳисобланишини айтди. Бу ҳақда "112 Украина" телеканали хабар бермоқда.  

"Бугун давлатим, миллатим, 45 млн украиналик учун мутлақ тарихий кун. Мен бу кун Европа Иттифоқи учун ҳам тарихий кунлигига ишончим комил. Украина Европа оиласига қайтмоқда. Украина собиқ Иттифоқ ва Россия империяси билан охирги марта видолашмоқда", деб айтди Порошенко.  

Унинг айтишича, Украина мамлакатни ислоҳ қилиш жараёнини давом эттиришга қатъий аҳд қилган.