17 май куни хорижий ОАВ WannaCry вирусига ўхшаш ишловчи янги вирус ҳақида маълум қилди. Маълум бўлишича, киберхавфсизлик соҳасидаги мутахассислар компьютерларни зарарлаш учун WannaCry вируси каби Windows’даги заиф жойдан фойдаланувчи янги вирус Adylkuzz’ни аниқлашган.

Бу вируснинг мақсади виртуал валюта ўғирлашдан иборат бўлиб, уни топиш анчагина мураккабдир. Таъкидланишича, Adylkuzz 200 мингга яқин компьютерни зарарлашга улгурган. Бу ҳақда El Mundo нашри хабар бермоқда.

12 май куни бутун дунё бўйлаб хакерлик ҳужумлари юз берган. Ўша куни WannaCry шифрловчи вируси қўлланган ҳолда 45 минг киберҳужум амалга оширилган. Бу вирус зарарлаган компьютердаги маълумотлар шифрланиб қолган. Хакерлар файлларни асли ҳолатига қайтариш учун биткоинларда 600 доллар тўлашни талаб қилганлар.