Боку—2017, еттинчи кун. Олтита олтин, иккита кумуш ва битта бронза

Спорт 18 Май 2017 23496
Фото: Миллий Олимпия қўмитаси

Бугун, 18 май куни Озарбойжон пойтахти Боку шаҳрида IV «Ислом бирдамлиги спорт ўйинлари»нинг еттинчи кунги мусобақалари давом этди. Шу куни Ўзбекистон делегацияси медаллар жамғармаси яна 9та медаль билан бойиди (6та олтин, 2та кумуш ва 1та бронза). 

Бугун ўзбекистонлик 14 нафар спортчи 5та спорт турида иштирок этишди.

Енгил атлетика
Пара-атлетика йўналишида иштирок этаётган Александр Свечников эркаклар ўртасидаги найза улоқтириш (F13) баҳсларида тенгсиз бўлди ва олтин медаль олди. У найзани 70 м масофага улоқтирди ва жаҳон рекордини ўрнатди.

Баландликка сакраш машқларида 1,80 натижани қайд этган Надия Дўсанова олтин медалга эга бўлди.

200 метр масофага югуришда финал босқичида иштирок этган Нигина Шарипова эса маррага учинчи бўлиб етиб келди (23,66 секунд) ва бронза билан тақдирланадиган бўлди.

Босқон улоқтириш бўйича финалда иштирок этган Сухроб Хўжаев эса натижага эриша олмади.

Спорт курашлари
Юнон-рум кураши бўйича баҳсларда 130 кг вазн тоифасида иштирок этган Мўминжон Абдуллаев дастлаб суриялик Р.Алкрадни енгди, кейин озарбойжонлик С.Шариати тўсиғидан ўтди. Финалда туркиялик Осман Йилдиримга имкониятни бой берган Абдуллаев кумуш медаль билан кифояланадиган бўлди.

66 кг вазн тоифасидаги Мирзобек Раҳматов эса чорак финалда марокашлик А.Ҳанинени енгди, аммо ярим финалда озарбойжонлик К.Маммадовга ютқазди. У бронза учун баҳсда  эронлик М.Зайдванддан ҳам енгилди.

Таэквондо WTF
-62 кг вазн тоифасида турнирда финалга етиб келган Умида Абдуллаева Туркия вакили Ирем Яманга қарши даянга чиқиб, 1:3 ҳисобида ютқазиб қўйди ва кумуш медаль билан кифояланди. У кун давомида дастлабки жангида покистонлик Ямна Сиддиқийни (20:0), чорак финалда Қозоғистон вакили Гулим Бибалаевани(4:3) ярим финалда марокашлик Саукайна Элаунийни (5:4) мағлуб этганди. 

-74 кг вазн тоифасида даянга чиққан Никита Рафалович барча рақибларини мағлубиятга учратиб турнирнинг олтин медалини қўлга киритди. Саралашдан озод қилинган Рафалович, биринчи жангда иорданиялик А.Аладарбини енгди, у финалда эронлик кучли рақиби Хусровфарни мағлубиятга учратиб, шоҳсупанинг энг юқори поғонасига кўтарилди.

Фото: МОҚ

Теннис
Яккалик баҳсларида иштирок этаётган Сергей Фомин нимчорак финалда туркманистонлик Й. Рогесскийни 6:2, 6:2 ҳисобларида мағлубиятга учратди ва чорак финалга йўл олди. У кейинги босқичда туркиялик А.Селибилекка қарши кортга чиқади.

Камола Умарова эса озарбойжонлик Амина Дикни 6:0, 6:0 ҳисобларида мағлубиятга учратиб, чорак финалга ўтди. Унинг навбатдаги рақиби туркиялик А.Аксу бўлади.

Жуфтлик баҳсларида Амал Султонбеков/Саидаъло Саидкаримов жуфтлиги Зайид/Зайид жуфтлигини (Қатар) енгди - 6:2, 5:7, 1:0.

Бокс
Бокс терма жамоасининг финалга чиққан уч вакили ҳам олтин медалга эга бўлди.

-56 кг вазн тоифасида Ўзбекистон шарафини ҳимоя қилаётган Абдулҳай Шораҳматов финалда Туркманистон вакили Ёқуб Мередовга қарши рингга чиқди. У рингда тўлиқ устунлик намойиш этиб, 5:0 ҳисобида ғалаба қозонди ва олтин медални қўлга киритди.

-64 кг вазн тоифаси вакили Алиёр Норалиев финалда мисрлик Ислом Муҳаммедовни мағлубиятга учратди ва олтин медаль эгаси бўлди.

– 69 кг вазн тоифасида мезбонлар вакили Тамерлан Абдуллаевга қарши рингга кўтарилган Бобо-Усмон Ботуров тўла устунликка эришди. У ҳакамлар қарорига кўра 5:0 ҳисобида ғалаба қозониб, олтин медаль билан тақдирланадиган бўлди.

Эндиликда Ўзбекистон терма жамоаси ҳисобидаги медаллар сони 54тага етди (14та олтин, 14та кумуш ва 26та бронза). Терма жамоа 57 мамлакат орасида тўртинчи ўринни эгаллаб турибди.

Кун янгиликлари
Мулоҳаза: Ўзбекистонда фаол қатламни юзага келтириш имкониятлари
14:02 / 28.05.2017 18063 Ўзбекистон
1 июндан бошлаб "GM Uzbekistan" барча автомобиллари сўмда сотилиши йўлга қўйилади
20:11 / 27.05.2017 155889 Технология
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 146617 Жамият
ЕЧЛнинг гуруҳ босқичига тўғридан-тўғри йўлланма олган барча клублар номи маълум
10:25 223 Спорт
Австралия Афғонистонга қўшимча ҳарбий хизматчилар юборишга қарор қилди
10:16 272 Жаҳон
Карлуш Кейруш: Ўзбекистонга қарши ўйин биз учун худди ЖЧ финалидек бўлади
10:09 1393 Спорт
Видео: Автопойгачи жуда жиддий тўқнашувдан сўнг мўъжиза туфайли омон қолди
09:59 1441 Спорт
TPS’дан “Қўшилинг” янги тариф режаларида интернетга соат 00:00 дан 09:00 гача чекловсиз кириш мумкин
Греция собиқ бош вазири вафот этди
09:56 529 Жаҳон
Пара-дзюдо. Ўзбекистон термаси Осиё ва Океания чемпионатида биринчи бўлди
09:50 415 Спорт
Кўпроқ янгиликлар