Дунёнинг энг бадавлат кишилари Трамп туфайли 35 миллиард доллар йўқотишди

Иқтисодиёт 18 Май 2017 16111
Фото: AP

17 май куни дунёнинг энг бадавлат 500 кишиси АҚШ президенти Дональд Трамп атрофидаги можаролар сабаб фонд бозорининг пасайиши туфайли 35 миллиард доллар йўқотди. Bloomberg миллиардерлар рейтинги маълумотларига асосланиб, шу ҳақида хабар берди. 

Америка фонд индекслари саккиз ой ичида энг паст кўрсаткичларга тушиб кетди. S&P 500 индекси 1,8 фоизга, 2357,2 пунктга пасайди. Dow Jones саноат индекси 1,8 фоизга, NASDAQ эса - 2,6 фоизга тушди ва 6011,2 пунктни ташкил қилди, дея маълум қилинди Financial Times'да. Бозордаги бундай ўзгаришга Трампнинг ФРБ директори Жеймс Комини истеъфога чиқариши ва Америка президентининг Россия билан алоқаларини ўрганиш атрофидаги можаролар сабаб бўлди. 

86,8 миллиард долларга эгалик қилувчи Билл Гейтс чоршанба куни 1 миллиард доллар йўқотди, Microsoft корпорацияси акциялари эса 2,8 фоизга пасайиб кетди. Amazon асосчиси Жефф Безос компанияси акциялари 2,2 фоизга тушиб кетгани боис 1,7 миллиард долларни қўлдан бой берди. Inditex компанияси асосчиси Амансио Ортего (Zara, Massimo Dutti, Bershka асосчиси)нинг молиявий аҳволи бир кунда 325 миллион долларга камайди.

Топ-500 рўйхатида ҳаммадан кўп пул йўқотган Facebook асосчиси Марк Цукерберг бўлди. Ижтимоий тармоқ акцияларининг 3,3 фоизга пасайиши натижасида у 2 миллиард доллардан маҳрум бўлди. 

MUFG'нинг валюта таҳлилчиси Ли Хардманнинг сўзларига кўра, индексларнинг пасайиши "Трампнинг маъмурияти АҚШ иқтисодий ўсиш кўрсаткичларини сезиларли даражада кўтара олмаслигидан далолат беради". 

Таъкидлаш жоизки, Америка фонд бозоридаги пасайиш Европа, Осиё ва ривожланаётган мамлакатларнинг фонд индекслари кўрсаткичлари пасайишига олиб келди. 

Кун янгиликлари
Фоторепортаж: Сурхондарёдаги чорак асрдан буён таъмирталаб йўл ҳақида
19:54 / 20.07.2017 19672 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 34327 Ўзбекистон
Тадбиркорларни муваффақиятга элтувчи ноёб бизнес-форум ўтказилади
09:45 / 20.07.2017 7616 Жамият
Мавсумдаги илк Манчестер дербисида «қизиллар» устун келди
09:39 63 Спорт
Назарбоев қисқа муддатли таътилга чиқди
09:35 1194 Жаҳон
АҚШда талончилик учун қамалган собиқ машҳур спортчи афв этилди
09:31 668 Спорт
Янгийўлда 600 граммдан ортиқ марихуана олиб кетаётган шахс қўлга олинди
09:26 301 Жамият
Эксперт: сиёсий партия деган организмдаги бир бўғин ишламаяпти
Қатар араб давлатларига бироз ёнбосди
09:16 888 Жаҳон
Греция ва Туркияда кучли зилзиладан сўнг юзлаб кишилар жароҳат олди
09:05 1461 Жаҳон
Кўпроқ янгиликлар