Туркия агар АҚШ Суриянинг Раққа шаҳрини озод қилиш операциясига суриялик курдлар мудофаа кучларини (YPG) жалб қилмоқчи бўлса, унда бу операцияда иштирок этмайди, деб айтди Туркия президенти Ражаб Тоййиб Эрдўған.     

"Биз АҚШга сафар вақтида Раққадаги операцияни муҳокама қилдик ва АҚШ Раққадаги операцияни жуда нозик қабул қилмоқда. Биз агар у ерда YPG бўлса, унда операцияда иштирок этмаймиз, уни ўзингиз ўтказаверасиз, агар сизнинг Раққа бўйича қарорингиз шундай бўлса, унда омад, деб айтдик", деб таъкидлаб ўтди Эрдўған Истанбулда ишлаб чиқарувчилар ва тадбиркорлар олдидаги нутқида.  

АҚШ президенти Дональд Трампнинг Эрдўған билан Вашингтондаги музокаралари 16 май куни икки давлат ўртасида Трампнинг яқинда суриялик курдларни қуроллантириш ҳақидаги қарори билан боғлиқ равишда авж олган зиддиятлар ортида ўтди. Туркиянинг бу масала бўйича расмий позицияси шундан иборатки, Суриядаги курд тузилмалари Туркияда тақиқланган Курдистон ишчи партияси билан боғланган.   

Асосини курд лашкарлари ташкил қилувчи "Сурия демократик кучлари" (SDF) Раққани ИШИД жангариларидан озод қилиш бўйича жанглар олиб бормоқда. Уларни АҚШ авиацияси ва махсус кучлари қўллаб-қувватламоқда. SDF’да таъкидланишича, Раққага ҳужум ёз бошида бошланади.