Video: YeI bilan vizasiz rejim sabab Poroshenkoning «og‘zi qulog‘ida»

"112 Ukraina" telekanali Pyotr Poroshenko YeI davlatlari va Ukraina o‘rtasida viza rejimini bekor qilish haqidagi hujjatga imzo chekilayotganda xursand bo‘lib turgani tasvirlangan videoni e'lon qildi.

Unda Ukraina prezidenti xursandchiligini yashira olmagan, doimiy ravishda tepaga ko‘tarilgan katta barmoqlarini ko‘rsatgan, yevropalik siyosatchilarni qo‘llarni siqishga majburlagan.

Avval xabar qilinganidek, YeI va Ukraina o‘rtasida vizasiz rejim to‘g‘risidagi qonunni imzolash marosimi Strasburgda chorshanba kuni bo‘lib o‘tdi. Hujjatga Yevroparlament rahbari Antonio Tayani va YeI Kengashida raislik qilayotgan Malta davlati IIV rahbari Karmelo Abela qo‘l qo‘yishdi.

Hujjatga ko‘ra, Ukraina fuqarolari Shengen hududi davlatlari, shuningdek, Islandiya, Lixtenshteyn, Norvegiya va Shveytsariyada yarim yil ichida 90 kun davomida bo‘lishlari mumkin. Shu bilan birga, vizasiz rejim YeIda ishlash yoki o‘qishga ruxsat bermaydi.

{Yii::t(}

O'tkazib yuborish 6s

O'tkazib yuborish