РФ ТИВ расмий вакили Мария Захарова миллиардер Алишер Усмоновнинг мухолифатчи Алексей Навальнийга қилган видеомурожаати барча ОТМларда ўрганилади, деб ҳисоблайди. 

"Алишер Усмоновнинг Алексей Навальнийга ёзган видеомурожаати риторика ва пиар мутахассислари томонидан ОТМ ва коллежларда ўрганилади", - деб ёзди у ўзининг Facebook'даги саҳифасида. 

Унинг фикрича, "буюк ва қудратли инсон бундай ҳолатлар учун аниқ ва новаторликдан йироқ бўлган позицияга эга".

"Усмонов Навальнийни шундай бопладики, ҳеч бир юрист ёки политтехнолог бунинг уддасидан чиқа олмас эди. Бир марта ва бир умрга. Ҳар бир сўз отилган ўқ каби... "Тфу сенга!" ва шу билан ҳаммаси аён", - қўшимча қилди у.

Миллиардер Алишер Усмонов суд тергови бошланган кунда унга ёғдирилган айбловларга видеомурожаат билан жавоб берди. Навальний эса Усмоновнинг баёнотига бобма-боб жавоб беришга ваъда берди.