Женевада Сурияга оид музокараларнинг VI раунди доирасида Носир Ал-Ҳаририй раҳбарлиги остидаги қуролланган мухолифат делегацияси БМТ бош котибининг Сурия масалалари бўйича махсус вакили Стаффан де Мистура билан учрашди. Бу ҳақда "Анадолу" агентлиги хабар берди.

Учрашув давомида БМТ вакили Суриянинг янги конституциясини ишлаб чиқиш бўйича махсус гуруҳ тузишга доир таклифини билдирди. 

Мистуранинг фикрича, унинг раислиги остидаги ишчи гуруҳга зиддият томонлари вакиллари кириши керак. Шу муносабат билан у мухолифатга гуруҳ фаолиятида иштирок этиш учун номзодлар тақдим этишни таклиф қилди. 

Бунга жавобан делегация ишчи гуруҳ фаолиятини ташкиллаштиришга оид таклифларини билдирди.

Бир вақтнинг ўзида Башар Асад режими тарафдорлари Сурия ўтиш ҳукуматини шакллантириш мавзуси муҳокамасига ўтиш таклифини илгари сурди. 

Суриядаги уруш 2011 йилнинг март ойида бошланган. БМТ маълумотларига кўра, тўқнашувлар давомида 400 мингдан зиёд киши ҳалок бўлди, 10 миллиондан ортиғи ўз уйини тарк этишига тўғри келди. Бундан ташқари, 4,8 миллион киши мамлакат ташқарисидан бошпана топган.