Ҳаитида кучли ёмғирлар ва сув тошқинлари сабаб беш киши ҳалок бўлди ва 19 нафари бедарак йўқолди. Бу ҳақда Reuters республика фуқаро мудофааси департаментига асосан хабар берди.

Баёнотда айтилишича, инфратузилма объектлари жиддий зарар кўрган. Ҳаити жанубидаги Гранд-Анс департаментида 322 киши турли пана жойларда яшириниб олган. Мамлакат Шимоли-Ғарбий департаментида эса 20 киши шундай йўл билан жон сақлаб қолди.

Агентликнинг таъкидлашича, Ҳаити халқи ёмон инфратузилма ва давлат ресурсларининг йўқлиги сабаб табиий офатлардан жуда жиддий жабр кўриб келади.