Алишер Усмонов "Арсенал" устидан назоратни қўлга киритиш учун катта маблағ сарфламоқчи

Спорт 19 Май 2017 9595

Россиялик миллиардер Алишер Усмонов Лондоннинг "Арсенал" клуби устидан назоратни қўлга киритиш учун клубнинг энг йирик акциядори, америкалик тадбиркор Стэн Кронкега унга тегишли акцияларни сотиб олиш учун 1,3 млрд евро таклиф қилди. Бу ҳақда Financial Times нашри хабар бермоқда.

Айни вақтда Усмоновга клубнинг 30 фоиз акцияси, клуб эгаси Кронкега эса 66,76 фоиз акция тегишли.

Маълум қилинишича, Кронке Усмоновнинг таклифини рад этмоқчилигини билдириб қўйган. У норасмий тарзда ўзининг улушини Усмоновга ҳам, бошқа бирор шахсга ҳам сотмаслигини айтган. "Икки ҳафта олдин бу ҳақиқатда юз бериши мумкин деб ўйлагандим, бироқ ҳозир бунга ишончим комил эмас", деб айтган бир манба. 

Ўтган ой Усмонов FT’га берган интервьюсида канонирлар эгаларини танқид қилганди ва уларни жамоани ривожлантириш учун етарлича инвестициялар қилмаётганликда айблаганди. Усмонов клуб акцияларининг 2-рақамли эгаси бўлса-да, клубнинг директорлар кенгашига кирмайди. 

"Арсенал" чемпионат якунланишига бир тур қолганда 72 очко билан 5-ўринни эгалламоқда ва Чемпионлар Лигасида иштирок этишга имкон берувчи 4-ўриндаги клубдан 1 очко фарқ билан ортда қолмоқда. 4-ўринни 75 ва 73 очкога эга "Манчестер Сити" ва "Ливерпуль" ҳам эгаллаши мумкин. Жорий мавсумнинг охирги турида 20 май куни "Арсенал" "Эвертон" билан, "МанСити" "Уотфорд" билан, "Ливерпуль" "Мидлсбро" билан учрашади.

Канонирлар охирги 20 йил ичида ҳали бирор марта чемпионатни 4-ўриндан пастроқ ўринда якунлашмаган. Бироқ клуб 2004 йилдан бери Англия премьер-лигасини ютмай келмоқда.

 

Кун янгиликлари
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 11012 Ўзбекистон
Ўзингиз ва оёқларингизга роҳат берадиган Heritage гиламларини 30-40 фоиз чегирма билан харид қилинг
16:59 / 21.07.2017 3917 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 45625 Ўзбекистон
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 18071 Жамият
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 50716 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 86489 Жамият
Видео: Hyundai ҳақиқий ҳайдовчи билан краш-тест ўтказди
«Ўзбекэнерго» ва KEPCO энергетика соҳасида ҳамкорлик қилади
Ҳавайида КХДРнинг эҳтимолий ядро ҳужумига тайёргарлик кўриш бошланди
15:03 1394 Жаҳон
Америкада ФҚБ таъқиб машинаси барча қурилмалари билан савдога қўйилди
Кўпроқ янгиликлар