АҚШнинг CNN телеканали сайти Москвадаги Василия Блаженний ибодатхонаси гумбазларини "миноралар" деб атади.

Сайтда 18 май куни "Оқ уй TIME журнали муқовасида Россия миноралари томондан эгаллаб олинди" сарлавҳаси остида мақола чоп этилган. Мақола муаллифи Дэвид Райт бўлиб, кейинроқ CNN мақола сарлавҳасидаги миноралар сўзини гумбазларга алмаштирган.

Нуфузли TIME журналининг янги сони муқоваси Оқ уйнинг Василия Блаженний ибодатхонаси билан чатишиб кетаётган кўринишдаги тасвири билан чиққан. Журналнинг бош мақоласида АҚШ президенти Дональд Трампга гўёки унинг Россия билан алоқалари борлиги сабабли билдирилган айбловлар муҳокама қилинган. 

Мақолада, шунингдек, Россия нафақат серверларни, балки ижтимоий тармоқлар аккаунтларини ҳам бузиб киришни ўрганиб олгани таъкидлаб ўтилган. Нашр фикрича, бу Россияга "АҚШдаги воқеалар боришини жамоатчилик фикрини бошқариш йўли билан ўзгартириш" имконини берган.