Эквадор Буюк Британияни Ассанжга эркин чиқиб кетиш имконини беришга чақирди

Жаҳон 19 Май 2017 3407

Эквадор Ташқи ишлар вазири Гийом Лонг расмий Лондонни WikiLeaks асосчиси Жулиан Ассанж Буюк Британия ҳудудидан эркин чиқиб кетишига имкон беришни сўради.

«Энди уни ҳибсга олиш тўғрисидаги Европа ордери амалда эмас. Буюк Британия энди Жулиан Ассанжга мамлакатни эркин тарзда тарк этиш имкониятини тақдим этиши керак», — дея ёзган у твиттерида.

Бундан олдинроқ Ассанж Швеция прокуратурасининг унга қарши текширувларни тўхтатиш ҳақидаги қарорига муносабат билдириб ўтганди.

«Менга бу айблов қўйилганидан буён 7 йил ўтди. Менинг болаларим ўсиб вояга етди, номим эса туҳмат туфайли қора бўлиб қолди. Мен буни унутмайман ва асло кечирмайман», — деб ёзган у твиттерида.

2010 йилнинг 20 августида Швецияда Ассанжни ҳибсга олишга ордер берилганди. У жинсий тамагирлик ва зўравонликда айбланган. 2011 йилда Британия суди уни Швецияга экстрадиция қилиш тўғрисида қарор қабул қилди. 2012 йилда Ассанж Лондондаги Эквадор элчихонасидан сиёсий бошпана олди.

Кўпроқ янгиликлар