Project Loon жамоаси биринчи марта интернет тарқатишга мўлжалланган ҳаво шарларини талофат кўрган ҳудудлар шароитида синовдан ўтказди. Қурилмалар уч ой мобайнида кенг кўламли сув тошқинларидан жабр кўрган Перу минтақаси узра фаолият кўрсатди. Бу ҳақида Google X лабараторияси ходими ва Project Loon раҳбари Аластер Вестгарт ўз блогида хабар берди.

Телекоммуникацион қурилма билан жиҳозланган аэростатлар Пуэрто-Рико оролидаги майдондан АҚШ Фуқаролик авиацияси федерал бошқармасининг қўллаб-қувватлаши остида Google ходимлари томонидан ишга туширилди. Шундан сўнг улар 12 кун ичида 3,5 минг километр масофани кечиб ўтиб, стратосферага 20 километрга кўтарилишди.

Уч ой давомида Google'нинг учар шарлари Перунинг уч йирик шаҳри - Пиура, Чимбота ва Лима атрофида Испаниянинг Telefonica алоқа оператори тармоқларига кириш хизматини тақдим этишди. Project Loon вакилларининг сўзларига кўра, умумий қамров майдони 40 минг квадрат километрдан зиёдни ташкил қилган, жўнатилган трафик миқдори эса 160 Гб'дан ошган.

Бундан аввал Google муҳандислари интернет тарқатувчи ҳаво шарлари фаолиятини Янги Зеландия, Австралия ва Шри-Ланкада синовдан ўтказганди.