Madridning «Real» klubi Ispaniya chempionatida g‘olib chiqsa, «Malaga»ga yarim himoyachi Isko transferi bo‘yicha bonus sifatida 1 mln. yevro to‘lab beradi.
Bunday band Iskoning 2013 yilda amalga oshirilgan transferida belgilab qo‘yilgan. «Real» «Malaga»ga o‘yinchi jamoaga o‘tganidan so‘ng besh yil davomida yutib olingan har bir Ispaniya chempionati uchun 1 mln. yevrodan to‘lab berishga rozi bo‘lgan.
Eslatib o‘tamiz, «Real» 37 turdan so‘ng Primera turnir jadvalining birinchi o‘rnini egallab turibdi hamda «Barselona»ni 3 ochkoga ortda qoldirmoqda.
«Real» Ispaniya chempionatining so‘nggi turida 21 may kuni aynan «Malaga» bilan uchrashadi.
Isko joriy mavsumda o‘z klubi safida 40 ta o‘yin o‘tkazdi hamda 11 gol kiritib, 9 ta golli uzatmaga mualliflik qildi.
