«Сувоқова» афсонаси: «Бир четини кўтаринг, муаммоингиз ҳал этилади»

Жамият 19 Май 2017 13357

Аҳолининг бирламчи эҳтиёжини қондирмай туриб, жамият тараққиёти ҳақида гапириш муболағали бўлиб қолади. Чунки одамларда келажакка бўлган ишонч, истиқбол режалари йўқолади, кўринмас туман ичига сингиб кетади. Бирламчи эҳтиёжлар кўп, улардан бири табиий ичимлик сувидир.

Бу мавзу юзасидан сўнгги кунларда сайтимиз орқали кўплаб материаллар эълон қилиб бордик. Ҳақиқатан ҳам сўнгги йилларда бу муаммо Республиканинг жуда кўплаб ҳудудида тўпланиб қолган экан. Гапни кўп қилмайликда, эътиборингизни “Кун” почтасига келган қуйидаги мактубга қаратайлик:

“Салом ҳурматли Кун.uz ижодкорлари. Биз Бухоро шаҳар Қўриқ қишлоғида яшаймиз. Қишлоғимизда ичимлик суви мавжуд эмас. 2017 йилнинг январь ойида вилоят ҳокимига мурожаат этганимизда, бир ой муддатда сув ўтказишни “Сувоқова” раҳбарига юклади. Аммо “Сувоқова” раҳбари ҳозирда ҳисобда маблағ йўқлигини ва 500 метр қувур бера олишини, қолган 1000 метрига халқнинг ёрдами зарурлигини айтди. Биз рози бўлиб, жами 12.600.000 сўмга 1000 метр қувур олиб бердик. Март ойида ерни қазиб, қувурларни кўмиб кетишди. Шу билан ишни тугатишди. 

Биз халқ қабулхонасига мурожаат этганимизда яна 360 метр қувур етмаётганини, “Сувоқова” ҳисобида маблағ йўқлигини ва 100 метр қувур бера олишини айтишди. Қолган 260 метрига яна бир бор халқнинг ёрдами зарурлигини таъкидлашди. Қишлоғимизда икки киши ариқ сувини ичиб тиф касаллигига учради. 6 ойдан бери идорама идора юришдан чарчадик”.

Чуқур хўрсинган ҳолда, қурбимиз етганича масала моҳиятига тўхталиб ўтишга ҳаракат қиламиз. Ҳар йилнинг бошида Давлат дастури ишлаб чиқилади ва мамлакат ғазнасидан маълум бир маблағ маълум бир соҳага йўналтирилади. Ана шундай катта дастурларда аҳолини тоза ичимлик суви билан таъминлаш борасида масала кўтарилмаслиги ва шу соҳага маълум бир маблағ ажратилмаслиги мумкин эмас. Бутун бир давлат ташкилотининг халқ пулига қараб қолиши икки карра бўлмаган гап.

Хўп, бу муаммолар йиллар давомида тўпланиб қолди ҳам дейлик, энг аввало, нега йиллаб тўпланиб қолишига йўл қўйилди. Иккинчидан, ҳозир “қимирлайдиган” замон-ку! Кимсан, давлат раҳбарининг ўзи бир кун у давлатда бўлса, бир кун қайсидир вилоятда, яна бошқа кун эса қайсидир бир корхонада. Доно халқимизда ажойиб мақол бор: “... бузоққа арпа баҳона”.

Сўнгги маълумотларга кўра, ушбу қишлоқ аҳли Халқ қабулхонасига борибди. Сабаби Тошкентдан текшириш келган экан-да! Қишлоқ одамлари сув масаласини кўтаришибди. Мутасадди раҳбар 10 июнгача ҳамма ишлар бажарилиши ҳақида қуюқ ваъда берибди. Нима ҳам дердик, кўрамиз...

Сарвар Анвар ўғли

Кун янгиликлари
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 11012 Ўзбекистон
Ўзингиз ва оёқларингизга роҳат берадиган Heritage гиламларини 30-40 фоиз чегирма билан харид қилинг
16:59 / 21.07.2017 3917 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 45625 Ўзбекистон
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 18071 Жамият
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 50716 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 86489 Жамият
Видео: Hyundai ҳақиқий ҳайдовчи билан краш-тест ўтказди
«Ўзбекэнерго» ва KEPCO энергетика соҳасида ҳамкорлик қилади
Ҳавайида КХДРнинг эҳтимолий ядро ҳужумига тайёргарлик кўриш бошланди
15:03 1394 Жаҳон
Америкада ФҚБ таъқиб машинаси барча қурилмалари билан савдога қўйилди
Кўпроқ янгиликлар